വേങ്ങര: വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് എൻ.എസ്.എസ് യൂണിറ്റ് സംഘടിപ്പിക്കുന്ന സപ്തദിന ‘ദീക്ഷ’ ക്യാമ്പിന് തുടക്കമായി.
ചേറൂർ ചാക്കീരി അഹമ്മദ് കുട്ടി മെമ്മോറിയൽ ഗവ.യു.പി സ്കൂളിൽ കണ്ണമംഗലം ഗ്രാമപഞ്ചായത്ത് പ്രസിഡന്റ് യു.എം ഹംസ ഉദ്ഘാടനം ചെയ്തു. പ്രിൻസിപ്പാൾ ഡോ. യു സൈതലവി അധ്യക്ഷത വഹിച്ചു. “യുവത്വം സ്ത്രീ സുരക്ഷക്കും തുല്യ നീതിക്കുമൊപ്പം” എന്നതാണ് ക്യാമ്പിന്റെ പ്രമേയം.
കണ്ണമംഗലം ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ പി.റൈഹാനത്ത് മുഖ്യപ്രഭാഷണം നടത്തി. കോളേജ് മാനേജർ സി.ടി മുനീർ, പ്രോഗ്രാം ഓഫീസർ ടി. ഫൈസൽ, ചാക്കീരി അബ്ദുൽ ഹഖ്, ആവയിൽ ഉമ്മർ ഹാജി, സിദ്ദീഖ് പി.കെ, സുബ്രഹ്മണ്യൻ, ജയദീപ്, സെയ്തലവി, കുഞ്ഞിമൊയ്തീൻ, ബാബു കാളങ്ങാടൻ, നൗഷാദ് കെ.കെ, അബ്ദുറഹ്മാൻ. കെ, അബ്ദുൽ ബാരി. സി, ഫിറോസ്.കെ.സി, ജസീബ്. കെ. എം എന്നിവർ സംസാരിച്ചു.
