ബി സോൺ; രണ്ടാം ഘട്ടത്തിലും മലബാർ കോളേജിനു വിജയം

ഫാത്തിമ ഷഹ്‌ല. എ

വണ്ടൂർ: അംബേദ്കർ കോളേജ് ഓഫ് ആർട്സ് ആൻഡ് സയൻസിൽ വെച്ച്‌ നടന്ന കാലിക്കറ്റ്‌ യൂണിവേഴ്സിറ്റി ബി സോൺ ഫുട്ബാൾ മത്സരത്തിൽ മലബാർ കോളേജ് ഓഫ് അഡ്വാൻസ്ഡ് സ്റ്റഡീസിനു രണ്ടാം ജയം. ഒക്ടോബർ 26ന് രാവിലെ 8.30 ന് വി എം.സി സ്കൂൾ ഗ്രൗണ്ടിൽ വെച്ചായിരുന്നു മത്സരം സംഘടിപ്പിച്ചത്. എം.ടി.എം കോളേജും മലബാർ കോളേജ് ഓഫ് അഡ്വാൻസ്ഡ് സ്റ്റഡിസും തമ്മിലായിരുന്നു രണ്ടാം ഘട്ട മത്സരം നടന്നത്. ആവേശമേറിയ മത്സരത്തിന്റെ പൂർണ സമയം കഴിഞ്ഞപ്പോൾ
മിന്നും പ്രകടനത്തോടെ വീണ്ടും മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് 2-0 ന്റെ ആധികാരിക വിജയം നേടി. മലബാറിന് വേണ്ടി ആദ്യത്തെ ഗോൾ ഹാരിസ് (ബി.എ ഇംഗ്ലീഷ് ഒന്നാം വർഷ വിദ്യാർത്ഥി), രണ്ടാമത് ഗോൾ അനിൽ രാജ് (ബി.എസ്.സി സൈക്കോളജി ഒന്നാം വർഷ വിദ്യാർത്ഥി) എന്നിവർ കരസ്ഥമാക്കി. ഇതൊടെ മലബാർ മൂന്നാം ഘട്ട മത്സരത്തിലേക്ക് കടന്നുവെന്ന് മലബാറിന്റെ കോച്ചും ഫിസിക്കൽ എഡ്യൂക്കേഷൻ മേധാവിയുമായ മുഹമ്മദലി.ടി പറഞ്ഞു.