റംഷിദ കെ.ടി
വേങ്ങര: കാലിക്കറ്റ്‌ യൂണിവേഴ്സിറ്റി ബി സോൺ ബാഡ്മിന്റൺ ചാമ്പ്യൻഷിപ്പിൽ തിളങ്ങി മലബാർ കോളേജ് ഓഫ് അഡ്വാൻസിഡ് സ്റ്റഡീസ്. സെഞ്ച്വറി ഇൻഡോർ സ്റ്റേഡിയത്തിൽ വെച്ചായിരുന്നു മത്സരം. രാവിലെ 9:45 ന് അൽ ജാമിയ കോളേജ് പൂപരത്തിനെതിരെ ആയിരുന്ന മലബാറിന്റെ ആദ്യ മത്സരം. ആദ്യ ഘട്ട മത്സരത്തിൽ വിജയിച്ച മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് രണ്ടാം ഘട്ടത്തിലേക്ക് മുന്നേറുകയായിന്നു. ഉച്ചക്ക് 2:15 ന് ഖിദ്മത് കോളേജ് എടക്കുളവുമായി നടന്ന രണ്ടാം ഘട്ട മത്സരത്തിലും വിജയികളായി മലബാർ കോളേജ് ബാഡ്മിന്റൺ ടീം. മുഹമ്മദ്‌ സുഫിയാൻ(സൈക്കോളജി) മുഹമ്മദ്‌ സഫുവാൻ (ഇലക്ട്രോണിക്സ് ) മുഹമ്മദ്‌ ഷറഫാൻ (ബിസിഎ ) ജിതേഷ് (ബിഎ ഇംഗ്ലീഷ്) മൻസൂർ അലി (ബി കോം ടി.ടി) എന്നിവരാണ് ബാഡ്മിന്റൺ ടീം അംഗങ്ങൾ. രണ്ടു ഘട്ടങ്ങളിലും വിജയം കൈവരിച്ച മലബാർ മൂന്നാം ഘട്ടത്തിലേക് കുതിച്ചുയരുകയായിരുന്നു.
