വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് മ്യൂസിക് ക്ലബ്ബ് ‘എക്താര’ യുടെ ഉദ്ഘാടനം യുവ ഗായകൻ സൽമാൻ വേങ്ങര നിർവ്വഹിച്ചു. ഐ.ക്യു.എ.സി അസിസ്റ്റന്റ് കോഡിനേറ്റർ അബ്ദുൽ ബാരി അധ്യക്ഷത വഹിച്ച ചടങ്ങിൽ മ്യൂസിക് ക്ലബ്ബിന്റെ പേരും ലോഗോ പ്രകാശനവും കോളേജ് മാനേജർ സി.ടി മുനീർ നിർവ്വഹിച്ചു.
ഇതിനോടനുബന്ധിച്ച് കോളേജ് ഓഡിറ്റോറിയത്തിൽ വെച്ച് നടന്ന പരിപാടിയിൽ മ്യൂസിക് ക്ലബ്‌ അംഗങ്ങളുടെ കലാപരിപാടികളും അരങ്ങേറി. കലാ രംഗത്ത് മുന്നിട്ട് നിൽക്കുന്ന വിദ്യാർത്ഥികളിൽ നിന്നും മികവുറ്റ ഗായകരെ കോർത്തിണക്കി കൊണ്ട് കോളേജിൽ മ്യൂസിക് ബാൻഡ് രൂപീകരിക്കുക എന്ന ലക്ഷ്യത്തോടെയാണ് മ്യൂസിക് ക്ലബ്‌ പ്രവർത്തമാരംഭിക്കുന്നതെന്ന് ടീച്ചേർസ് കോർഡിനേറ്റർമാരായ നവാൽ മുഹമ്മദ്‌, ജിഷ.പി എന്നിവർ വോക്‌സ് പോപ് ന്യൂസിനോട് പറഞ്ഞു. അധ്യാപകരായ എ.കെ.പി ജുനൈദ്, മുഹമ്മദലി ടി, ക്ലബ്‌ സ്റ്റുഡന്റസ് കോർഡിനേറ്റർ റഷീദ് എന്നിവർ ചടങ്ങിൽ സംസാരിച്ചു.
