വേങ്ങര: വേങ്ങര മലബാർ കോളേജ് ലൈബ്രറി ആധുനിക വൽക്കരണത്തിന്റെ ഭാഗമായി കോളേജിലെ പൂർവ്വ വിദ്യാർത്ഥി സംഘടനയായ മക്കാസയുടെ നേതൃത്വത്തിൽ ഭാരവാഹികളായ അഫ്സൽ പുള്ളാട്ട് (ജനറൽ സെക്രട്ടറി), ഹിഷാമലി (ട്രഷറർ), എ.കെ.പി ജുനൈദ് എന്നിവർ ചേർന്ന് കോളേജ് പ്രിൻസിപ്പൽ ഡോ: യു. സൈതലവിക്ക് ചെക്ക് കൈമാറി. കോളേജ് ലൈബ്രറിയിലേക്കാവശ്യമുള്ള പുസ്തകങ്ങൾ ഉടനെ കോളേജിലെത്തിക്കുമെന്ന് പ്രിൻസിപ്പൽ ഭാരവാഹികളോട്
പറഞ്ഞു. കോളേജിൽ വെച്ച് നടന്ന ചടങ്ങിൽ അധ്യാപകരായ അബ്ദുൽ ബാരി സി, സാബു കെ. രസ്തം, നൗഫൽ പി.ടി, ഡോ: രമിഷ്. എൻ, ഫൈസൽ. ടി, മൻസൂർ കെ.സി, സജാദ് എന്നിവർ പങ്കെടുത്തു. കോളേജ് വിപുലീകരണത്തിൽ മക്കാസ അലുംനിക്ക്‌ അതിയായ സന്തോഷമുണ്ടെന്നും തുടർന്നും കോളേജ് വികസനത്തിന്റെ ഭാഗമായി എന്നും നിലകൊള്ളുമെന്നും മക്കാസ ഭാരവാഹികൾ പറഞ്ഞു.
