വേങ്ങര: ലോക പരിസ്ഥിതി ദിനത്തോടനുബന്ധിച്ചു വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസിലെ പൂർവ്വ വിദ്യാർത്ഥി കൂട്ടായ്മയായ മക്കാസയുടെ നേതൃത്വത്തിൽ ജൂൺ അഞ്ചിന് കോളേജ് വിദ്യാർത്ഥികൾക്കും പൂർവ്വ വിദ്യാർത്ഥികൾക്കുമായി ഫോട്ടോഗ്രാഫി മത്സരം സംഘടിപ്പിച്ചു. പരിസ്ഥിതി ദിനത്തിന്റെ പ്രാധാന്യം വിദ്യാർത്ഥി സമൂഹത്തിലേക്കു എത്തിക്കുന്നതിന്റെ ഭാഗമായാണ് മത്സരം സംഘടപ്പിച്ചതെന്ന് മക്കാസ പ്രസിഡന്റ്‌ മുഹ്സിൻ കോട്ടയിൽ, ജനറൽ സെക്രട്ടറി അഫ്സൽ പുള്ളാട്ട് എന്നിവർ പറഞ്ഞു.
മത്സരത്തിൽ ഒന്നാം സ്ഥാനം ബി.കോം ടി.ടി (2020-23) വിദ്യാർത്ഥി മുഹമ്മദ്‌ ഷാനും രണ്ടാം സ്ഥാനം അനൽ ചന്ദ്രൻ. പി, മൾട്ടീമീഡിയ (2017-20) പൂർവ്വ വിദ്യാർത്ഥിയും, മൂന്നാം സ്ഥാനം ഫാഹിദ് കാട്ടിൽ, ബി.സി.എ (2015-18) പൂർവ്വ വിദ്യാർത്ഥിയും നേടി. എ.കെ.പി ജുനൈദ് പരിപാടിക്ക് നേതൃത്വം നൽകി.
