വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസിലെ കമ്പ്യൂട്ടർ സയൻസ് അധ്യാപകനായ അഫ്സൽ കെ ഇന്റർ കോളേജ് ട്രാൻസ്ഫർ വഴി ഫറൂഖ് കോളേജിലേക്ക്‌ മാറി. ബംഗളുരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ നിന്നും ബിരുദാനന്തര ബിരുദം പൂർത്തിയാക്കിയ അഫ്സൽ തന്റെ മൂന്ന് വർഷത്തെ സർവീസിന് ശേഷമാണ് അദ്ദേഹം മലബാറിനോട് വിടപഞ്ഞത്. വികാര നിർഭരമായ ചടങ്ങിൽ മറ്റു സ്റ്റാഫ് അംഗങ്ങൾ അഫ്സലുമൊത്തുള്ള കഴിഞ്ഞ മൂന്ന് വർഷത്തെ അനുഭവങ്ങൾ പങ്കുവച്ചു. കുറഞ്ഞ കാലയളവിൽ അദ്ദേഹം കോളേജിന് നൽകിയ സേവനങ്ങൾ വലുതാണെന്ന് പ്രിൻസിപ്പാൾ ഡോ യു സൈതലവി പറഞ്ഞു.
അഡ്മിഷൻ നോഡൽ ഓഫീസർ, നാക് കോ ഓർഡിനേറ്റർ എന്നീ പദവികളിലെ അദ്ദേഹത്തിന്റെ പ്രവർത്തനങ്ങളെ പ്രത്യേകം പരാമർശിച്ചു.
ചടങ്ങിൽ സ്റ്റാഫ് സെക്രട്ടറി ടി മുഹമ്മദ് അലി സ്വാഗതം ആശംസിച്ചു.
