ബി സോണിൽ വീണ്ടും മലബാറിന് ജയം
വേങ്ങര: ബി സോൺ ഫുട്ബോൾ മത്സരത്തിൽ ബുധനാഴ്ച മഞ്ചേരി ഏറനാട് നോളജ് സിറ്റിയുമായി നടന്ന മൂന്നാം റൗണ്ട് മത്സരത്തിൽ വേങ്ങര മലബാറിന് 3-2 ന്റെ ജയം. മത്സരത്തിൽ മികച്ച തുടക്കത്തോടെ മലബാറിന്റെ ആദ്യ ഗോൾ സഫ്‌വാൻ നേടിയെങ്കിലും ആദ്യ പകുതി അവസാനിച്ചതോടെ മഞ്ചേരി ഇ.കെ.സി മലബാറിനെ സമനിലയിൽ തളച്ചു. ഇതോടെ മത്സരം കടുത്തു. രണ്ടാം പകുതിയിലെ ആവേശ മത്സരത്തിൽ മലബാർ വീണ്ടും രണ്ട് ഗോളുകൾ നേടിയതോടെ മഞ്ചേരി ഇ.കെ.സി പ്രതിരോധത്തിലായി. മലബാറിന് വേണ്ടി സഫ്‌വാൻ (മൾട്ടീമീഡിയ), ഷിബിലി (എക്കണോമിക്സ്),അജ്മൽ സജാദ് (ബി.കോം സി.എ) എന്നിവരാണ് ഗോളുകൾ നേടിയത്. ഇതോടെ മലബാർ പ്രീ കോർട്ടറിൽ പ്രവേശിച്ചു. മഞ്ചേരി ഇ.കെ.സി രണ്ട് ഗോളുകളാണ് നേടിയത്. നാളെ വണ്ടൂർ സഹ്യ ആർട്സ് ആൻഡ് സയൻസ് കോളേജുമായാണ് മലബാറിന്റെ അടുത്ത മത്സരം.
