ആഷ്നി ബിനു ( 1sem multimedia )
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസിൽ ബി.ബി.എ അസോസിയേഷൻ്റെ ഭാഗമായി മാനേജ്മെന്റ് വകുപ്പ് അസ്പേര എന്ന പേരിൽ മാനേജ്മെന്റ ഫെസ്റ്റ് സംഘടിപ്പിച്ചു. പരിപാടിയുടെ ഉദ്ഘാടനം കോളേജ് പ്രിൻസിപ്പൽ അബ്ദുൽ ബാരി സി നിർവഹിച്ചു. ബി.ബി.എ വകുപ്പ് മേധാവി നൗഷാദ് അധ്യക്ഷത വഹിച്ചു. ജനുവരി ഇരുപത്തിനാല് ഇരുപത്തിയഞ്ച് തിയതികളിലായി നടന്ന പരിപാടിയുടെ ആദ്യ ദിനത്തിൽ മികച്ച മാനേജർ മാർക്കറ്റിംഗ്, ആശയ അവതരണം, നിധി വേട്ട, വെടിവയ്പ്പ്, ജാലവിദ്യ, തീറ്റ മത്സരം, തുടങ്ങിയ പരിപാടികൾ സംഘടിപ്പിച്ചു. രണ്ടാം ദിനം മികച്ച മാനേജർ മാർക്കറ്റിംഗ്, ആശയ അവതരണം എന്നിവയുടെ ഫൈനൽ റൗണ്ട് മത്സരം നടന്നു. ശേഷം സാംസ്കാരിക പരിപാടികളും സമ്മാനദാനവും നടന്നു. ചടങ്ങിൽ ബി.ബി.എ വകുപ്പ് അധ്യാപകരായ അബ്ദുറഹിമാൻ, ധന്യ ബാബു, റോഷിഫ്, മുഹമ്മദ്‌ അലി എന്നിവർ പങ്കെടുത്തു.
