Reporter: Ramshidha, II BA Multimedia
വേങ്ങര: നൂറ്റിഅന്പതാമത് ഗാന്ധി ജയന്തി ദിനാചരണത്തിന്റെ ഭാഗമായി വേങ്ങര മലബാർ കോളേജ് ഓഫ് അഡ്വാൻസ് സ്റ്റഡീസിൽ കോളേജ് യൂനിയൻ രാഷ്ട്ര പിതാവിന്റെ സ്മരണാർത്ഥം പ്രസംഗമത്സരം സംഘടിപ്പിച്ചു. കോളേജ് ഓഡിറ്റോറിയത്തിൽ സംഘടിപ്പിച്ച മത്സരത്തിൽ 23 വിദ്യാർത്ഥികൾ പങ്കെടുത്തു. മത്സരത്തിൽ മൂന്നാം വർഷ ബി എ ഇംഗ്ലീഷ് വിദ്യാർത്ഥി സയ്യിദ് സാജിദ് ഇ എം ഒന്നാം സ്ഥാനം നേടി. മൂന്നാം വർഷ ബി കോം – സി എ യിലെ മുഹമ്മദ് നൗഫൽ രണ്ടാം സ്ഥാനവും ഒന്നാം വർഷ ബി എ ഇംഗ്ലീഷ് ദഹീൻ റഷീദ് എം മൂന്നാം സ്ഥാനവും കരസ്ഥാമാക്കി. അധ്യാപകരായ ഡോ. ലിയാവുദീൻ വാഫി, മുഹമ്മദ് അലി ടി, ജിഷ പി, നൗഫൽ പി ടി, കോളേജ് യൂണിയൻ അംഗങ്ങളായ സൽമാൻ, റിദ്‘വാൻ, ഫർഹാന സയ്യിദ, ഇബ്രാഹിം ലത്തീഫ്, ഷാദിയ എന്നിവർ നേതൃത്വം നൽകി.
