നാജിയ ചുക്കൻ (ബിഎ മൾട്ടിമീഡിയ ഫസ്റ്റ് സെമസ്റ്റര്‍)
മലപ്പുറം: 2024-25 കാലിക്കറ്റ് യൂണിവേഴ്സിറ്റി ബി സോൺ ഫുട്ബോൾ ടൂർണമെൻ്റിൽ മലബാർ കോളേജ് ഓഫ് അഡ്വാൻസഡ് സ്റ്റഡീസ് വേങ്ങരക്ക് വീണ്ടും വിജയം.
വ്യാഴം രാവിലെ നടന്ന കോളേജിൻ്റെ രണ്ടാമത്തെ മത്സരത്തിൽ ഐ.എച്ച്.ആർ.ഡി വാഴക്കാടിനെതിരെയായി 5-0 എന്ന ഗോൾ നിലയ്ക്കാണ് വിജയം. മലബാറിന്റെ ആദ്യ മത്സരം മാണൂർ മലബാർ കോളേജുമായിട്ടായിരുന്നു. മത്സരത്തില്‍ 7-0 എന്ന നിലക്ക് മലബാർ കോളേജ് വിജയിച്ചിരുന്നു. ഐ.എച്ച്.ആർ.ഡി വാഴക്കാടിനെതിരെയായി നടന്ന ടൂർണമെൻ്റിൽ ബിഎ മൾട്ടിമീഡിയ അവസാന വർഷ വിദ്യാർത്ഥിയായ മുഹമ്മദ് സ്വാലിഹ് മൂന്ന് ഗോളുകൾ നേടി. ബിഎസ് സി ഇലക്ട്രോണിക്സ് അവസാന വർഷ വിദ്യാർത്ഥി ഹഫീദ് നിഹാൽ, ബിഎ ഇഗ്ലീഷ് അവസാന വർഷ വിദ്യാർത്ഥി മുഹമ്മദ് ഫാരിസ് എന്നിവർ ഓരോ വീതം ഗോളുകൾ നേടി.
