നാസിദ (1st sem Multimedia)
വേങ്ങര: കാലിക്കറ്റ് യൂണിവേഴ്സിറ്റി ബീസോൺ ഫുട്ബോൾ ടൂർണമെന്റിൽ തകർപ്പൻ ജയം നേടി വേങ്ങര മലബാർ കോളേജ്. കാളികാവ് ഡക്സ് ഫോർഡ് സ്‌റ്റേഡിയത്തിൽ വെച്ച് നടന്ന മൂന്നാം റൗണ്ട് മത്സരത്തിൽ അൽ ജാമിയ പെരിന്തൽമണ്ണ കോളേജിനെ ഒന്നിനെതിരെ നാലു ഗോളുകൾക്കാണ് മലബാർ കോളേജ് പരാജയപ്പെടുത്തിയത്. കളിയിൽ മികച്ച പ്രകടനം കാഴ്ചവെച്ച ഒന്നാം വർഷ മൾട്ടിമീഡിയ വിദ്യാർത്ഥി മുനീർ മാൻ ഓഫ്ദ മാച്ച് പട്ടം കരസ്തമാക്കി. മത്സരത്തിന്റെ ആദ്യ പകുതിയിൽ തന്നെ മലബാർ ലീഡ് നേടിയിരുന്നു. ഹാഷിം (ഒന്നാം വർഷ ബി.ബി.എ), സ്വാലിഹ് (രണ്ടാം വർഷ ബി.എ മൾട്ടിമീഡിയ), ജസീർ (രണ്ടാം വർഷ ബി.ബി.എ), മുനീർ ( ഒന്നാം വർഷ മൾട്ടിമീഡിയ) എന്നിവരാണ് മലബാറിനു വേണ്ടി ഗോൾ നേടിയത്. മത്സരത്തിന്റെ രണ്ടാം പകുതിയിൽ അൽ ജാമിയ ടീം തിരിച്ചു വരവ് നടത്തിയെങ്കിലും വിജയത്തിലേക്ക് എത്താൻ സാധിച്ചില്ല. ഈ വിജയത്തോടെ വേങ്ങര മലബാർ കോളേജ് അടുത്ത റൗണ്ടിലേക്ക് പ്രവേശിച്ചു.
