ഫാത്തിമ നെസ്രി ഒ.പി
വേങ്ങര: ഫിഫ വേൾഡ് കപ്പ് 2022ന്റെ ഭാഗമായി വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് സ്റ്റുഡന്റസ് യൂണിയനും ഫിസിക്കൽ എഡ്യൂക്കേഷൻ വകുപ്പും ചേർന്ന് ഫാൻസ് ഷോ സൗഹൃദ ഫുട്ബോൾ മത്സരം സംഘടിപ്പിച്ചു. ഡിസംബർ ഒന്നിന് കോളേജ് മൈതാനത്ത് വെച്ചായിരുന്നു മത്സരം സംഘടിപ്പിച്ചത്. കോളേജ് പ്രിൻസിപ്പൽ ബിഷാറ എം ഉദ്ഘാടനം ചെയ്തു. ഫ്രാൻസും സൗദി അറേബ്യയും തമ്മിലായിരുന്നു ഫൈനൽ മത്സരം. ആവേശമേറിയ മത്സരത്തിന്റെ പൂർണ്ണ സമയവും കഴിഞ്ഞപ്പോൾ 1- 1 സമനിലയിൽ നിൽക്കെ മൾട്ടിമീഡിയ ഒന്നാം വർഷ വിദ്യാർത്ഥി സ്വാലിഹിന്റെ പെനാൽട്ടിയിലൂടെ ഫ്രാൻസ് വിജയമുറപ്പിക്കുകയായിരുന്നു. ഫ്രാൻസിന് വേണ്ടി ഹിഷാം, സഹീർ, പ്രബീഷ്, ലിയാകത്ത്, ഫസൽ,ഹാരിസ്,ജസീര്‍, സ്വാലിഹ് ജുഹൈർ, ആദിത്യൻ,സിനാൻ എന്നിവർ ബൂട്ടണിഞ്ഞു.
