നിഷാന ഇ
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് എൻ.എസ്.എസ് യൂണിറ്റ് ‘കൂടെ’ എന്ന പരിപാടി സംഘടിപ്പിച്ചു. വേങ്ങര അലിവ് എബിലിറ്റി പാർക്കിലെ ഭിന്നശേഷിക്കാരോടൊപ്പം മലബാർ കോളേജ് എൻ.എസ്.എസ് വോളന്റീർസ് ആണ് ഒത്തുക്കൂടിയത്.
ഭിന്നശേഷിക്കാരുമായി അൽപ സമയം ചിലവഴിക്കുക എന്ന ലക്ഷ്യത്തോടെ സംഘടിപ്പിച്ച പരിപാടിയുടെ ഉദ്ഘാടനം കോട്ടക്കൽ നഗരസഭ ചെയർപേഴ്സൺ ബുഷ്‌റ ഷബീർ നിർവഹിച്ചു. അലിവ് സെല്ലിന്റെ ഭാരവാഹി അബ്ദുൽ ഹഖ് അധ്യക്ഷത വഹിച്ചു. അലിവ് ചെയർമാൻ ഷരീഫ് കുറ്റൂർ, നസീർ മാസ്റ്റർ, അലി മേലേതിൽ, മലബാർ കോളേജ് എൻ.എസ്.എസ് പ്രോഗ്രാം ഓഫീസർ ഫൈസൽ ടി എന്നിവർ സംസാരിച്ചു. മുൻ പ്രിൻസിപ്പൾ ഡോ. യു.സൈദലവി ഭിന്നശേഷി വിദ്യാർത്ഥികൾക്ക് ഉച്ചഭക്ഷണം നൽകി.
