നാസിറ റഷ
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസിൽ നാക്ക് എ പ്ലസ് ലഭിച്ചതിന്റെ ആഘോഷപരിപാടികളും മുൻ പ്രിൻസിപ്പൽ ഡോ: യു. സൈതലവിക്കുള്ള യാത്രയയപ്പും വ്യാഴം ഉച്ചക്ക് ശേഷം കോളേജിൽ വെച്ച് നടക്കും. പരിപാടിയിൽ പ്രമുഖ നേതാക്കളായ പ്രതിപക്ഷ ഉപനേതാവും വേങ്ങര എം.എൽ.എയുമായ പി.കെ കുഞ്ഞാലികുട്ടി, രാജ്യസഭാ എം.പി പി.വി അബ്ദുൽ വഹാബ്, മുൻ വിദ്യാഭ്യാസ മന്ത്രി അബ്ദുൽ റബ്ബ്, കൊണ്ടോട്ടി എം.എൽ.എ ടി.വി ഇബ്രാഹിം എന്നിവർ ചടങ്ങിൽ പങ്കെടുക്കും. ഉച്ചക്ക് രണ്ട് മണിക്ക് കോളേജിലെ ഓപ്പൺ എയറിൽ വെച്ചാണ് പരിപാടി നടക്കുന്നത്. നാക് അക്രെഡിറ്റേഷനിൽ എ പ്ലസ് ലഭിച്ചതോടെ കേരളത്തിലെ ആദ്യത്തെ മികച്ച പതിനെട്ട് കോളേജിലും മലപ്പുറത്തെ മൂന്നാമത്തെയും കോളേജ് ആയി ഉയർന്ന മലബാറിന്റെ ആഘോഷ പരിപാടികളിൽ സി മേജർ സെവൻ ഒരുക്കുന്ന മ്യൂസിക് ബാൻഡ് ഷോയും നടക്കും. നാക്ക് അക്രെഡിറ്റേഷന്റെ ആദ്യ സൈക്കിളിൽ എ പ്ലസ് ലഭിക്കുന്ന സംസ്ഥാനത്തെ മൂന്നാമത്തെ കോളേജ് കൂടിയാണ് വേങ്ങര മലബാർ.
