മുൻസില ടി.പി
വേങ്ങര: ജൂണ് 20,21 തിയ്യതികളിൽ വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസിൽ നടക്കുന്ന നാക്ക് പീർ ടീം സന്ദർശനത്തിന്റെ ഭാഗമായാണ് മോക് വിസിറ്റ് സംഘടിപ്പിച്ചിരിക്കുന്നത്. കോഴിക്കോട് സർവകലാശാല മുൻ വൈസ് ചാൻസലർ ഡോ. മുഹമ്മദ് ബഷീർ കെ, സാഫി കോളേജ് ഓഫ് അഡ്വാൻസ്ഡ് സ്റ്റഡി പ്രിൻസിപ്പൽ ഡോ. ഇമ്പിച്ചിച്ചി കോയ, മജ്ലിസ് കോളേജ് പ്രിൻസിപ്പൽ ഡോ. മുഹമ്മദ് അലി എന്നിവരടങ്ങുന്ന വിദഗ്ദ്ധ സംഘമാണ് മോക്ക് സന്ദർശനത്തിലുൾപ്പെട്ടിരിക്കുന്നത്. ഡോ. മുഹമ്മദ് ബഷീറാണ് സന്ദർശനത്തിന്റെ ചെയർമാൻ. രാവിലെ തുടങ്ങിയ സന്ദർശനത്തിൽ പ്രിൻസിപ്പൽ, ഐ.ക്യു.എ.സി പ്രസന്റേഷനുകൾ ആദ്യ സെഷനിൽ നടന്നു. തുടർന്ന് വിവിധ വകുപ്പുകളുടെ പ്രസന്റേഷനുകൾ കോളേജ് സെമിനാർ ഹാളിൽ വെച്ച് നടക്കുന്നു. ഉച്ചക്ക് ശേഷം വിവിധ വകുപ്പുകളിലെ വിദ്യാർത്ഥികൾ, അലുംനി പ്രതിനിധികൾ, നിലവിലെ കോളേജ് വിദ്യാർത്ഥികളുടെ രക്ഷിതാക്കൾ എന്നിവരുമായും ഇന്ററാക്ഷൻ സെഷൻ നടക്കും.ശേഷം എക്സിറ്റ് മീറ്റിംഗും നടക്കുമെന്ന് കോളേജ് ഐ.ക്യു.എ.സി അറിയിച്ചു.
