വേങ്ങര: റിപ്പബ്ലിക് ദിനത്തോടനുബന്ധിച്ച് മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് എൻ എസ് എസ് യൂണിറ്റും വേങ്ങര പോലീസും സംയുക്തമായി റിപ്പബ്ലിക് ദിനാഘോഷവും ട്രാഫിക് സൂചനാബോർഡുകളുടെ ശുചീകരണവും നടത്തി.
കോളേജ് ക്യാമ്പസിൽ പ്രിൻസിപ്പൽ ഡോ. യു സൈതലവി ദേശീയ പതാക ഉയർത്തി. തുടർന്ന് അദ്ദേഹം വിദ്യാർഥികൾക്ക് റിപ്പബ്ലിക് ദിന സന്ദേശം നൽകി. വേങ്ങര സി ഐ ഹിദായത്തുല്ല മാമ്പ്ര പരിപാടി ഉദ്ഘാടനം ചെയ്തു. എൻ എസ് എസ് പ്രോഗ്രാം ഓഫീസർ ഫൈസൽ ടി സ്വാഗതം പറഞ്ഞു.
കോളേജ് മാനേജ്മെന്റ് കമ്മിറ്റി മെമ്പർ പി കെ അലി അക്ബർ, സാബു കെ റസ്തം, മുഹമ്മദ്‌ അലി, ഡോ. രെമിഷ്, മൻസൂർ കെ സി എന്നിവർ സംബന്ധിച്ചു. തുടർന്ന് എൻ.എസ്.എസ് വളണ്ടിയർമാർ വേങ്ങരയിലെയും പരിസര പ്രദേശങ്ങളിലെയും ട്രാഫിക് സൂചന ബോർഡുകളുടെ ശുചീകരണ പ്രവർത്തനം നടത്തി.
