വേങ്ങര : സംസ്ഥാന ന്യൂന പക്ഷ ക്ഷേമ വകുപ്പിന് കീഴിൽ വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസിലെ എൻ എസ് എസ് യൂണിറ്റിന്റെയും വുമൺ ഡവലപ്മെന്റ് സെല്ലിന്റെയും സംയുക്താഭിമുഖ്യത്തിൽ സംഘടിപ്പിച്ച ചതുർ ദിന പ്രീ മാരിറ്റൽ കോഴ്സ് സമാപിച്ചു. കോളേജ് പ്രിൻസിപ്പൽ ഡോ. യു സൈതലവി ഉദ്ഘാടനം ചെയ്തു. അഡ്വ. ശംസുദ്ധീൻ , എൻ എസ് എസ് പ്രോഗ്രാം ഓഫിസർ സി. അബ്ദുൽ ബാരി , ജിഷ. പി , ഷിൻസി , നീതു , ജുനൈദുൽ അൻസാർ , ഷാഹിദ് എന്നിവർ പ്രസംഗിച്ചു.ദാമ്പത്യ ജീവിതം മുന്നൊരുക്കങ്ങൾ,വിവാഹത്തിലെ നിയമ-സദാചാര വശങ്ങൾ,ദമ്പതികളുടെ മനസ്സും ശരീരവും, പഠനവും തൊഴിലും,സന്തുഷ്ട കുടുംബ ജീവിതം,ദാമ്പത്യ ആശയ വിനിമയങ്ങൾ തുടങ്ങിയ വിഷയങ്ങളിൽ വിവിധ പരിശീലകർ ക്ലാസ്സിനു നേതൃത്വം നൽകി.
