Reporter: Muhsin Rahman KK, II BA. Multimedia
പുഴച്ചാൽ: എ.എൽ.പി സ്കൂൾ പുഴച്ചാലിൽ മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് വേങ്ങര എൻ.എസ്.എസ് യൂണിറ്റിന്റെ ഈ വർഷത്തെ സപ്തദിന ക്യാമ്പിന് ശനിയാഴ്ച വിളംബര ജാഥയോട്കൂടി തുടക്കമായി.
പ്രിൻസിപ്പാൾ ഡോ യു സൈതലവി അധ്യക്ഷത വഹിച്ച ചടങ്ങിൽ എൻ. എസ്. എസ് ന്റെ ‘ശിശു സൗഹൃദ ഗ്രാമം ‘ പദ്ധതി അഡ്വ:ഷാജേഷ് ഭാസ്കർ ഉൽഘാടനം ചെയ്തു. ശ്രീ. ഐകാടൻ വേലായുധൻ മുഖ്യപ്രഭാഷണം നടത്തി. ശ്രീമതി. റൈഹാനത്. ഇ. കെ, ശ്രീ. രഘുമാസ്റ്റർ, സി. ടി. മൊയ്‌ദീൻ കുട്ടി, എന്നിവർ ക്യാമ്പിന് ആശംസകൾ അർപ്പിക്കുകയും ചെയ്തു. എൻ എസ് എസ് പ്രോഗ്രാം ഓഫിസർ ശ്രീ. അബ്ദുൽ ബാരി ചടങ്ങിന് നന്ദി പ്രകാശിപ്പിച്ചു.
തുടർന്ന് ‘ബ്രിഡ്ജിങ് ദി ഹാർട്സ്’ സെഷനിൽ പ്രശസ്ത സോഫ്റ്റ്‌ സ്‌കിൽ ട്രെയിനർ ശ്രീ. മനു പ്രതാപ് സാർ വിവിധ ഇനം ഐസ് ബ്രേക്കിംഗ് പരിപാടികൾ നടത്തി. എൻ എസ് എസ് വളണ്ടിയർ ഫുഹാദ് ആദ്യ സെഷന് നന്ദി പ്രകാശിപ്പിച്ചു.
