വേങ്ങര: മലബാർ കോളേജ് അഡ്വാൻസ്ഡ് സ്റ്റഡീസ് വേങ്ങരയിലെ ഇഡി ക്ലബും കോളേജ് യൂണിയനും സംയുക്തമായി മാർച്ച് അഞ്ചിന് അറോറ 2k19 മലബാർ എക്സ്പോ സംഘടിപ്പിക്കുന്നു. പരിപാടിയുടെ ഭാഗമായി വിവിധ വിദ്യാഭ്യാസ, വ്യാപാര സ്ഥാപനങ്ങളും, കുടുംബശ്രീ, കര കൗശല നിർമാണ യൂണിറ്റുകളും കോളേജ് കാമ്പസ്സിൽ സ്റ്റാളുകൾ ഒരുക്കും. ഇതോടനുബന്ധിച്ച് കോളേജിലെ വിവിധ പഠന വകുപ്പുകൾ അതി വിപുലമായ രീതിയിൽ ഭക്ഷ്യമേള സംഘടിപ്പിക്കുന്നുണ്ട്. വിദ്യാർത്ഥികൾക്കായി മെഹന്ദി ഫെസ്റ്റും കര കൗശല നിർമാണ മത്സരവും നടത്തുന്നു.
പരിപാടിയുടെ പോസ്റ്റർ പികെ കുഞ്ഞാലിക്കുട്ടി എംപി കോളേജ് പ്രിൻസിപ്പൽ ഡോ. യു സൈദലവിക്ക് നൽകി പ്രകാശനം ചെയ്തു. ഇഡി ക്ലബ്‌ കോർഡിനേറ്റർ പികെ നവാൽ മുഹമ്മദ്, കെപി ഷഫീഖ്, ടി മുഹമ്മദലി, സി അബ്‌ദുൽബാരി, സലാഹുദ്ധീൻ തെന്നല, ഹർഷദ് ചേറൂർ, അഖിൽ, അഫ്‌ലഹ് എന്നിവർ സംബന്ധിച്ചു.
