വേങ്ങര: വേങ്ങരയുടെ പരിസര പ്രദേശങ്ങളിലുണ്ടായ പ്രളയത്തിൽ വൃത്തിഹീനമായ വീടുകളിൽ മലബാർ കോളേജിലെ ഭൂമിത്രസേനയുടെ നേതൃത്വത്തിൽ ശുചീകരണ പ്രവർത്തനങ്ങൾ നടത്തി. ആദ്യ ദിനം വേങ്ങര പുഴച്ചാൽ പ്രദേശത്ത് വാർഡ് മെമ്പർ സുബൈർ മാസ്റ്ററുടെയും പെന്റാസ് മുഹമ്മദാലിയുടെയും നേതൃത്വത്തിൽ ഭൂമിത്രസേന മൂന്ന് വീടുകൾ ശുചീകരിച്ചു. രണ്ട് ദിവസങ്ങളിലായി നടന്ന ശുചീകരണ പ്രവർത്തനങ്ങളിൽ ഭൂമിത്രസേന കോഓർഡിനേറ്റർ അബ്ദുറഹ്മാൻ കറുത്തേടത്ത് വിദ്യാർത്ഥികളായ ദിൽഷാദ്, ലബീബ്, ഷിബിലി, ഹകീം, സുഫിയാൻ, ജാസിർ, നിസാം, ഇർഫാൻ തുടങ്ങിയ പതിനഞ്ചോളം വിദ്യാർത്ഥികൾ പങ്കെടുത്തു.
