Reporter: Beevi Swabeera, II BA. Multimedia
വേങ്ങര: ലോക ടൂറിസം ദിനാചരണത്തിന്റെ ഭാഗമായി വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസിലെ ബി കോം ട്രാവൽ ആൻഡ് ടൂറിസം വിഭാഗം ‘ആസ്ട്ര 2K19’ സംഘടിപ്പിച്ചു. സഞ്ചാരിയും സംരഭകനുമായ അനസ് റഹ്മാൻ പരിപാടി ഉദ്ഘാടനം ചെയ്തു. ഇതോടനുബന്ധിച്ച് വിവിധ മത്സരങ്ങളും ട്രാവൽ ആൻഡ് ടൂറിസം വിഭാഗം സംഘടിപ്പിച്ചു. ‘സ്‌നാപ്പിട്ടോ ഗ്രൂപ്പ്‌ സെൽഫി കോണ്ടക്സ്റ്റിൽ’ ഒന്നാം വർഷ വിദ്യാർത്ഥിയായ മുഹമ്മദ്‌ ഷഹീൻ ടി പി ഒന്നാം സ്ഥാനം നേടി. ഫേസ് പെയിന്റിങ്ങിൽ മൂന്നാം വർഷ ബി എ ഇംഗ്ലീഷ് വിദ്യാർത്ഥികളായ സിൻസിയയും മെഷിദയും വിജയികളായി. കോളേജ് പ്രിൻസിപ്പാൾ ഡോ. യു സൈതലവി അധ്യക്ഷത വഹിച്ചു. കോമേഴ്‌സ് വിഭാഗം മേധാവി പികെ നവാൽ മുഹമ്മദ്‌ സ്വാഗതം ആശംസിച്ചു. കോമേഴ്‌സ് അസോസിയേഷൻ സെക്രട്ടറി ഷംവിൽ നന്ദി പറഞ്ഞു. അധ്യാപകരായ അബ്ദുൽ ലത്തീഫ് അസ്‌ലം, നജ്മുന്നീസ, കോളേജ് യൂണിയൻ ചെയർമാൻ സൽമാൻ ഫാരിസ് എന്നിവർ സംസാരിച്ചു.
