വേങ്ങര: വിവിധ മേഖലകളിൽ നേട്ടങ്ങൾ കൈവരിച്ച അധ്യാപകരെയും വിദ്യാർഥികളെയും ആദരിക്കുന്നതിനായി മലബാർ കോളേജ് സ്റ്റാഫ് ക്ലബ്ബിന്റെ നേതൃത്വത്തിൽ അനുമോദന ചടങ്ങ് സംഘടിപ്പിച്ചു. ചടങ്ങ് ജില്ലാ പഞ്ചായത്ത് മെമ്പർ സമീറ പുളിക്കൽ ഉദ്ഘാടനം ചെയ്‌തു.
ഈ വർഷത്തെ മികച്ച എൻ എസ് എസ് യൂനിറ്റിനുള്ള യൂണിവേഴ്സിറ്റി അവാർഡ് നേടിയ കോളേജ് എൻ എസ് എസ് യൂണിറ്റ്, പ്രോഗ്രാം ഓഫീസർക്കുമുള്ള യൂണിവേഴ്സിറ്റി അവാർഡ് കരസ്ഥമാക്കിയ അബ്‌ദുൾ ബാരി, 2017-18 വർഷത്തിൽ മികച്ച പ്രവർത്തനങ്ങൾക്ക് പ്രത്യേക പരാമർശവും മൂന്നാം സ്ഥാനവും നേടിയ വുമൺ ഡെവലപ്മെന്റ് സെൽ കോഡിനേറ്റർ ഡോ. ധന്യ ബാബു വി, പിഎച്ഡി. നേടിയ ഇലക്ട്രോണിക്സ് ഡിപ്പാർട്മെന്റ് അദ്ധ്യാപിക ഡോ. ഷബീബ പി എന്നീ അധ്യാപകരെയും ഇന്ത്യ ബുക്ക് ഓഫ് റെക്കോർഡ്‌സിൽ ഇടം പിടിച്ച മുഹമ്മദ് സിനാൻ, മികച്ച ലൈബ്രറി
ഉപയോക്താവ് ഷിൻസി, ജില്ല അമേചർ അത്ലെറ്റിക് മീറ്റിൽ ഷോട്പുട്ടിൽ ഒന്നാമതെത്തിയ സിയാദ്
എന്നിവരെയും ചടങ്ങിൽ ഉപഹാരം നൽകി ആദരിച്ചു. പ്രിൻസിപ്പാൾ ഡോ. യു സൈതലവി അദ്ധ്യക്ഷത വഹിച്ചു. സ്റ്റാഫ് ക്ലബ് സെക്രട്ടറി മുഹമ്മദ് അലി ടി സ്വാഗതം പറഞ്ഞു.
കോളേജ് മാനേജർ സി ടി മുനീർ മുഖ്യ പ്രഭാഷണം നടത്തിയ ചടങ്ങിൽ പി ടി എ വൈസ് പ്രസിഡന്റ് അലി മേലേതിൽ, പി ടി എ സെക്രട്ടറി നൗഷാദ് കെ കെ എന്നിവർ ആശംസകൾ അർപ്പിച്ചു. ഐ ക്യു എ സി അസിസ്റ്റന്റ് കോഡിനേറ്റർ ഷമീം അക്തർ ചടങ്ങിന് നന്ദി പ്രകാശിപ്പിച്ചു.
