Reporter
BEEVI SWABEERA, I BA Multimedia
വേങ്ങര: ക്യാമ്പസുകളിലെ വിദ്യാർത്ഥി സമൂഹം നല്ല പൗരന്മാരായി വളരേണ്ടത് ഇന്നത്തെ കാലഘട്ടത്തിന്റെ ആവശ്യമെന്ന് സന്തോഷ് ട്രോഫി മുൻ കേരള ടീം ക്യാപ്റ്റൻ കുരികേഷ് മാത്യു അഭിപ്രായപ്പെട്ടു. മലബാർ കോളേജ് ഓഫ് സ്റ്റഡീസിലെ കായികോത്സവം സ്‌പോർട്സ് ഫിയസ്റ്റ 2k19 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ക്യാമ്പ‌സിലെ വിവിധ ഡിപ്പാർട്മെന്റുകൾ നാല്‌ ഗ്രൂപ്പുകളായി അണിനിരന്ന പ്രൗഢഗംഭീരമായ മാർച്ച്‌ പാസ്റ്റിലൂടെയാണ് ട്രാക്ക് ഉണർന്നത്. തുടർന്ന് വിവിധ ഇനങ്ങളിലായി നിരവധി കായിക പ്രതിഭകൾ മത്സരിച്ചു. പ്രിൻസിപ്പൽ ഡോ: യു സൈദലവി അധ്യക്ഷത വഹിച്ച ചടങ്ങിൽ കായിക വിഭാഗം അദ്ധ്യാപകൻ ടി മുഹമ്മദ് അലി സ്വഗതം പറഞ്ഞു. അദ്ധ്യാപകരായ ഷഫീക് കെ.പി, സാബു കെ റസ്തം, ഡോ: റെമിഷ്, യൂണിയൻ ചെയർമാൻ സ്വലാഹുദീൻ, ജനറൽ ക്യാപ്റ്റൻ അബ്ദുൽ വാഹിദ്, യൂണിയൻ സെക്രട്ടറി അർഷാദ്, എന്നിവർ സംസാരിച്ചു.
