Reporter
RAHOOF, II BA Multimedia
വേങ്ങര : കോളേജ് കായികമേളയുടെ ഭാഗമായി നടന്ന ആൺകുട്ടികളുടെ നൂറു മീറ്ററിൽ മീറ്റ് റെക്കോർഡുകൾ തകർത്ത് ഒന്നാം വർഷ ബി എസ് സി സൈക്കോളജി വിദ്യാർത്ഥി ഹുസൈൻ സ്വർണം സ്വന്തമാക്കി. ആറാമത് കോളേജ് യൂണിയനും ഫിസിക്കൽ എഡ്യൂക്കേഷൻ ഡിപ്പാർട്മെന്റും സംയുക്തമായി സംഘടിപ്പിച്ച സ്പോർട്സ് ഫിയസ്റ്റ 2K19 ലാണ് ഹുസൈൻ മാസ്മരിക പ്രകടനം കാഴ്ച്ച വെച്ചത്. കഴിഞ്ഞ വർഷത്തെ ചാമ്പ്യൻമാരെ ഏറെ പിറകിലാക്കിയാണ് ഒന്നാം വർഷ വിദ്യാർത്ഥിയായ ഹുസൈൻ ഈ നേട്ടം കൈവരിച്ചത്. ടീം റോസാഡോക്ക് വേണ്ടി മത്സരിച്ച ഹുസൈൻ സ്കൂൾതല മത്സരങ്ങളിലും തന്റേതായ വ്യക്തിമുദ്ര പതിപ്പിച്ചിട്ടുണ്ട്. നമ്മുടെ കോളേജിലെ വളർന്നു വരുന്ന പ്രതിഭയാണ് ഹുസൈനെന്ന് ഫിസിക്കൽ എഡ്യൂക്കേഷൻ തലവൻ ടി മുഹമ്മദ് അലി അഭിപ്രായപ്പെട്ടു.
