Reporter: Adil T , III BA Multimedia
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് വേങ്ങരയിൽ ഏഴാമത് കോളേജ് യൂണിയന്റെ നേതൃത്വത്തിൽ ഓണാഘോഷ പരിപാടി ‘ഓർത്തോണം’ സംഘടിപ്പിച്ചു. പ്രൗഢ ഗംഭീരമായ ഘോഷയാത്രയോടെയാണ് പരിപാടികൾക്ക് തുടക്കം കുറിച്ചത്. ഓണാഘോഷ പരിപാടിയുടെ ഉദ്ഘാടന ചടങ്ങിൽ കോളേജ് യൂണിയൻ ജനറൽ സെക്രട്ടറി റിദ്വാൻ സ്വഗതം പറഞ്ഞു. കോളേജ് പ്രിൻസിപ്പൽ ഡോ. യൂ. സൈതലവി ഉദ്ഘാടനം നിർവഹിച്ച ചടങ്ങിൽ കോളേജ് യൂണിയൻ ചെയർമാൻ സൽമാനുൽ ഫാരിസ് അധ്യക്ഷത വഹിച്ചു. പ്രോഗ്രാം കോർഡിനേറ്റർ നൗഫൽ പി ടി, സ്റ്റാഫ്‌ അഡ്വൈസർ ലിയാവുദ്ധീൻ വാഫി എന്നിവർ സംസാരിച്ചു. ഫൈൻആർട്സ് സെക്രട്ടറി ഇബ്രാഹീം ലത്തീഫ് പരിപാടിക്ക് നന്ദി പറഞ്ഞു. കോളേജിലെ ശുചീകരണ തൊഴിലാളികൾക്ക് യൂണിയന്റെ സ്നേഹോപഹാരം ആയി പ്രിൻസിപ്പാൾ ഓണക്കിറ്റ് കൈമാറി. തുടർന്ന് കസേരക്കളി കുപ്പിയിൽ വെള്ളം നിറക്കൽ തുടങ്ങിയ പരിപാടികൾ അരങ്ങേറി. പ്രധാന മത്സര ഇനമായിരുന്ന വടംവലിയിൽ ബികോം ടി ടി ഒന്നാം സ്ഥാനവും ബി ബി എ രണ്ടാം സ്ഥാനവും കരസ്ഥമാക്കി. ഓണാഘോഷ പരിപാടിയോടനുബന്ധിച്ച് വിവിധ ഡിപ്പാർട്മെന്റുകളിൽ വിഭവ സമൃദ്ധമായ സദ്യയും ഒരുക്കിയിരുന്നു.
