വേങ്ങര: എൻ.എസ്.എസ് സ്ഥാപക ദിനത്തോടനുബന്ധിച്ച് വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് യൂണിറ്റ് നമ്പർ 235
വിപുലമായി എൻ.എസ്.എസ് ദിനാചാരണം ആഘോഷിച്ചു. പ്രോഗ്രാം ഓഫീസർ ഫൈസൽ. ടി സ്വാഗതം പറഞ്ഞ ചടങ്ങ് കോളേജ് മാനേജ്മെന്റ് കമ്മിറ്റി ട്രസ്റ്റ്‌ മെമ്പർ ആവയിൽ ഉമർ ഹാജി പതാക ഉയർത്തി ഉത്ഘാടന കർമ്മം നിർവഹിച്ചു. അദ്ധ്യാപകരായ ഫിറോസ് കെ.സി, നൗഫൽ പി.ടി, സാബു കെ റെസ്തം, നൗഫൽ മമ്പീതി എന്നിവർ സംസാരിച്ചു. മുൻ എൻ. എസ്.എസ് കോർഡിനേറ്റർമാരായ ഫിറോസ് കെ.സി, അബ്ദുൽ ബാരി സി, മുൻ കാല എൻ.എസ്.എസ് വളന്റിയർമാരായ വേങ്ങര പഞ്ചായത്ത് സായംപ്രഭ കോർഡിനേറ്റർ ഇബ്രാഹിം, ഗിന്നസ് ജേതാവ് സിനാൻ എന്നിവരെ ആദരിച്ചു. തുടർന്ന് വളണ്ടിയർമാരുടെ കൾച്ചറൽ പരിപാടികൾ, ചർച്ചകൾ എന്നിവ സങ്കടിപ്പിച്ചു. എൻ.എസ്.എസ് സെക്രട്ടറി മാഹിർ പരിപാടിക്ക് നന്ദി പറഞ്ഞു.
