മലപ്പുറം: മലപ്പുറം ട്രാഫിക് എൻഫോഴ്സ് മെൻറ് യൂണിറ്റും വേങ്ങര മലബാർ കോളേജ് ഓഫ് അഡ്വാൻസ്ഡ് സ്റ്റഡീസിലെ എൻ എൻ എസും സംയുക്തമായായി റോഡ് സുരക്ഷ മാസാചാരണ പരിപാടി സംഘടിപ്പിച്ചു. ഇതിനോടനുബന്ധിച്ച് മലപ്പുറം ട്രാഫിക് പോലീസ് സ്റ്റേഷൻ പരിസരത്തു നിന്നും തുടങ്ങി കിഴക്കേതല വരെ കൂട്ടയോട്ടം സംഘടിപ്പിച്ചു.
റോഡ് സുരക്ഷ ജീവൻരക്ഷാ എന്ന മുദ്രാവാക്യത്തിലൂന്നി ജനുവരി 18 മുതൽ ഫെബ്രുവരി 17 വരെ നടത്തിയ റോഡ് സുരക്ഷാ മാസാചരണ പരിപാടി ഇന്നലെ സമാപിച്ചു.
സ്പെഷ്യൽ ബ്രാഞ്ച് ഡി.വൈ.എസ്.പി സാജു കെ എബ്രഹാം ഫ്ലാഗ് ഓഫ് നടത്തി. പരിപാടിയിൽ മലപ്പുറം ട്രാഫിക് എസ് ഐ. അശോകൻ, മലബാർ കോളേജ് പ്രിൻസിപ്പൽ ഇൻ ചാർജ് ഡോ. മുഹമ്മദ്‌ ലിയാഹുദ്ധീൻ, എൻ എസ് എസ് പ്രോഗ്രാം ഓഫീസർ ഫൈസൽ ടി, കോളേജ് അധ്യാപകരായ സാബു കെ റെസ്‌തം, ഷബീർ ടി കെ, നാസിഫ് എം, സി പി ഒ സന്തോഷ്‌ കെ എന്നിവർ സംബന്ധിച്ചു.
