വേങ്ങര: ജൂൺ 5 ലോക പരിസ്ഥിതി ദിനത്തോടനുബന്ധിച്ച് നാഷണൽ സർവീസ് സ്കീം മലബാർ കോളേജ് ഓഫ് അഡ്വാൻസ്ഡ് സ്റ്റഡീസ്, വേങ്ങര (യൂണിറ്റ് നമ്പർ 235) സംഘടിപ്പിച്ച പരിസ്ഥിതി ദിനാചരണം കോളേജ് പ്രിൻസിപ്പൽ ഡോ. യു സൈതലവി ഉദ്ഘാടനം ചെയ്തു.
വെർച്ചൽ ആയി സംഘടിപ്പിച്ച പ്രോഗ്രാമിൽ എൻ.എസ്.എസ് പ്രോഗ്രാം ഓഫീസർ ഫൈസൽ ടി അധ്യക്ഷനായി. മുഖ്യ അതിഥി ആനക്കയം കാർഷിക ഗവേഷണ കേന്ദ്രം മേധാവി ഡോ. മുസ്തഫ കുന്നത്താടി ‘Role of Homestead gardens in Ecosystem Restoration’ എന്ന വിഷയത്തെ ആസ്പദമാക്കി സംസാരിച്ചു. വിദ്യാർത്ഥികൾക്കായി പ്രസംഗ മത്സരം, പെൻസിൽ ഡ്രോയിങ് മത്സരം, എന്റെ മരം പദ്ധതി, പരിസ്ഥിതി ദിന സന്ദേശം എന്നിവയും സംഘടിപ്പിച്ചു. എൻ.എസ്.എസ് യൂണിറ്റ് സെക്രട്ടറി ജസീബ് കെ എം സ്വാഗതവും റിസ്വാന എം ടി നന്ദിയും പറഞ്ഞു.
