മുഹമ്മദ് മിദ്‌ലാജ് യു.കെ (1st sem Ba Mulitimedia)
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് എൻ.സി.സി യുണിറ്റും എൻ.എസ്.എസ് യൂണിറ്റും സംയുക്തമായി ആംമ്ഡ് ഫോഴ്സ് ദിനം ആചരിച്ചു. കോളേജ് ഓഡിറ്റോറിയത്തിൽ വെച്ച് നടന്ന പരിപാടിയിൽ മുൻ ആർമി ഉദ്യോഗസ്ഥൻ അബ്ദുൽ കരീമിനെ ആദരിച്ചു. എൻ.എസ്.എസ് മേധാവി ഫൈസൽ.ടി പരിപാടിയുടെ അധ്യക്ഷത
നിർവഹിച്ചു. കോളേജ് പ്രിൻസിപ്പൽ അബ്ദുൽ.സി പരിപാടി ഉദ്ഘാടനം ചെയ്തു സംസാരിച്ചു. പട്ടാളക്കാർ അവരുടെ ജീവിതത്തിൽ അനുഭവിച്ചു വരുന്ന ബുദ്ധിമുട്ടുകളും പ്രയാസങ്ങളും പ്രതിസന്ധികളും തരണം ചെയ്യുന്നതിനെപ്പറ്റിയുള്ള അനുഭവം അദ്ദേഹം പങ്കുവെച്ചു. വിദ്യാർത്ഥികളിൽ രാജ്യസ്നേഹം വളർത്തിയെടുക്കുക എന്ന ലക്ഷ്യത്തോടെ നടത്തിയ പരിപാടി വിജയകരമായി പൂർത്തിയായി. എൻ.എസ്.എസ് വളണ്ടിയർ അഹമ്മദ്‌ ഷാബിൻ നന്ദി പറഞ്ഞു.
