നാസിറ റഷ. പി
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസ് വേങ്ങരയിലെ മൾട്ടിമീഡിയ, ജേർണലിസം ഡിപ്പാർട്മെന്റുകളും കോളേജിലെ ഫിലിം ക്ലബും സംയുക്തമായി കേരള ചലച്ചിത്ര അക്കാദമിയുമായി സഹകരിച്ച് ദ്വിദിന ചലച്ചിത്ര മേള സംഘടിപ്പിക്കുന്നു. ഫെബ്രുവരി 21, 22 തിയ്യതികളിൽ നടക്കുന്ന മേളയുടെ കൊടിയേറ്റം കോളേജിൽ വെച്ച് ഗംഭീരമായ രീതിയിൽ നടത്തി.
മൾട്ടിമീഡിയ വകുപ്പിലെ വിദ്യാർത്ഥികൾ ഫെസ്റ്റിവലിനെ വരവേറ്റുകൊണ്ട് നടത്തിയ ഫ്ലാഷ് മൊബ് ശ്രദ്ധേയമായി.
പരിപാടിയുടെ ഉദ്ഘാടനം കോളേജ് പ്രിൻസിപ്പൽ ഡോ. യു. സൈതലവി നിർവ്വഹിച്ചു.
മേളയിൽ വിവിധ കോളേജുകളിൽ നിന്നായി അഞ്ഞൂറിലധികം പ്രതിനിധികൾ പങ്കെടുക്കുന്നുണ്ട്.
മൾട്ടിമീഡിയ വകുപ്പ് മേധാവി നമീർ എം, ജേർണലിസം വകുപ്പ് മേധാവി ഫിറോസ് കെ.സി, ഫിലിം ക്ലബ് കോർഡിനേറ്റർ ലൈല വി , നൗഫൽ പി.ടി, നയീം പി, എ.കെ.പി ജുനൈദ്, ഫെസ്റ്റിവൽ സ്റ്റുഡന്റ് ഡയറക്ടർമാരായ ഷമീമ സി, അഫ്സൽ എ കെ തുടങ്ങിയവർ സംസാരിച്ചു.
