ഫാത്തിമ മഹ്‌മൂദ. പി
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസിൽ നിന്നും ബി.എസ്.സി ഇലക്ട്രോണിക്സ് പൂർത്തിയാക്കിയ മുഹമ്മദ് ഷാഫി കെ.പിക്ക്‌ മുഖ്യമന്ത്രിയുടെ വിദ്യാർത്ഥി പ്രതിഭാപുരസ്കാരത്തിനു അർഹനായി. കോഴിക്കോട് കുറ്റ്യാടി സ്വദേശികളായ ബഷീറിന്റെയും കുഞ്ഞിമറിയത്തിന്റെയും മകനായ മുഹമ്മദ് ഷാഫി ഇപ്പോൾ കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയിൽ ആർട്ടിഫിഷ്യൽ ഇന്റലിജിൻസിൽ സ്പെഷ്യലൈസേഷനോട് കൂടിയ കമ്പ്യൂട്ടർ സയൻസ് പി.ജി ചെയ്യുകയാണ്.
നേരത്തെ കുസാറ്റിലെ പൊതു പ്രവേശന പരീക്ഷയിൽ ഇലക്ട്രോണിക്സ് വിഭാഗത്തിൽ മൂന്നാം റാങ്കും കമ്പ്യൂട്ടർ സയൻസിൽ മുപ്പത്തൊന്നാം റാങ്കും നേടിയിരുന്നു.
2020-21 അധ്യയന വർഷത്തിൽ സംസ്ഥാനത്തെ കോളേജുകളിൽ നിന്നും മികച്ച വിജയം നേടി ഉന്നത വിദ്യാഭ്യാസത്തിനു ചേർന്ന വിദ്യാർത്ഥികളിൽ നിന്നും തിരഞ്ഞെടുത്ത 1000 പേർക്കാണ് മുഖ്യമന്ത്രിയുടെ വിദ്യാർത്ഥി പ്രതിഭാപുരസ്‌കാരം നൽകുന്നത്. ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം.
