നജില.കെ (2nd Semester BA Multimedia)
വേങ്ങര: മലബാർ കോളേജ് ഓഫ് അഡ്വാൻസ്ഡ് സ്റ്റഡീസിൽ ന്യൂനപക്ഷ സമുദായത്തിലെ വിദ്യാർത്ഥികൾക്കായി “പാസ്‌വേഡ്” (2024-25) എന്ന പേരിൽ പരിശീലന ക്യാമ്പ് സംഘടിപ്പിച്ചു. പരിപാടിയുടെ ഉദ്ഘാടനം ഊരകം പഞ്ചായത്ത് പ്രസിഡന്റ്‌ കെ.കെ മൻസൂർ കോയ തങ്ങൾ നിർവ്വഹിച്ചു. കോളേജ് പ്രിൻസിപ്പൽ പ്രൊ. ഡോ. സൈദലവി സി അധ്യക്ഷത വഹിച്ചു.
സർക്കാറുമായി സഹകരിച്ചാണ് പരിശീലന ക്യാമ്പ് നടന്നത്. കോളേജ് സെമിനാർ ഹാളിൽ വെച്ച് ഒമ്പതോടെയാണ് ക്യാമ്പ് തുടങ്ങിയത്. ന്യൂനപക്ഷ സമുദായങ്ങളിലെ വിദ്യാർത്ഥികൾക്ക് മാത്രമായി രൂപകൽപ്പന ചെയ്ത പാസ്‌വേഡ് പരിശീലന ക്യാമ്പിൽ വേങ്ങര മലബാർ കോളേജിലെയും, മലപ്പുറം ഗവ: കോളേജിലെയും ബിരുദ വിദ്യാർത്ഥികൾ പങ്കെടുത്തു.
കേരള സർക്കാരിൻ്റെ ന്യൂനപക്ഷ ക്ഷേമ മന്ത്രാലയത്തിൻ്റെ സാമ്പത്തിക സഹായത്തോടെ, വേങ്ങരയിലെ (കൊളപ്പുറം) ന്യൂനപക്ഷ യുവാക്കൾക്കായുള്ള കോച്ചിംഗ് സെൻ്ററിന്റെ മാർഗനിർദേശത്തോട് കൂടി മലപ്പുറം ഗവൺമെൻ്റ് കോളേജുമായി സഹകരിച്ചാണ് ക്യാമ്പ് സംഘടിപ്പിചത്. രണ്ടു സെഷനുകളായിട്ട് രാവിലെയും ഉച്ചക്ക് ശേഷവുമാണ് ക്ലാസ്സുകൾ നടന്നത്. മോട്ടിവേഷൻ സ്പീക്കറായ അൻവർ മുട്ടൻചേരി മോട്ടിവേഷൻ ആൻഡ് കരിയർ ഗൈഡൻസ്, ഗോൾ സെറ്റിങ് എന്നീ വിഷയവും, ഹിഷാം.പി ലീഡർഷിപ് ആൻഡ് ടൈം മാനേജ്മെന്റ്, പേഴ്സണാലിറ്റി ഡെവലപ്പ്മെന്റ് എന്നീ വിഷയങ്ങളിലും സംസാരിച്ചു.
പ്രോഗ്രാം കോഡിനേറ്റർ ഫിറോസ് കണ്ണംചേരി ചാലിൽ, . ശരത് ചന്ദ്ര ബാബു.വി (പ്രിൻസിപ്പൽ, സി.സി.എം.വൈ.വേങ്ങര), കമറു കക്കാട് (കോർഡിനേറ്റർ സി.സി.എം.വൈ വേങ്ങര),
റുഫിയ ചോല (മെമ്പർ ഗ്രാമ പഞ്ചായത്ത് വേങ്ങര), അമീർ ബാബു. കെ (അസി. പ്രൊഫ്‌. ഗവ കോളേജ് മലപ്പുറം),
നമീർ. എം (കോളേജ് കരിയർ ഗൈഡൻസ് കോഡിനേറ്റർ) എന്നിവർ സംസാരിച്ചു.
