റുമാന തസ്‌ന (1st semester Multimedia )
അരീക്കോട്: കാലിക്കറ്റ് സർവകലാശാല ബി-സോൺ ഫുട്ബോൾ മത്സരത്തിന്റെ പ്രീ ക്വാർട്ടർ മത്സരത്തിൽ വേങ്ങര മലബാർ കോളേജും തിരുനാവായ ഖിദ്മത്ത് കോളേജും തമ്മിൽ ബുധനാഴ്ച നടന്ന മത്സരത്തിൽ 10-0 ന്റെ ആധികാരിക വിജയം. ഖിദ്മത്ത് കോളേജിനെതിരെ എതിരില്ലാത്ത പത്ത് ഗോളുകളുടെ സമ്പൂർണ്ണ വിജയത്തോടെ മലബാർ ക്വാർട്ടർ ഫൈനലിലേക്കു യോഗ്യത നേടി. ഹാട്രിക് ഗോളുകളുമായി ശിംജിത് (ബി എ ഇംഗ്ലീഷ് – രണ്ടാം വർഷം) മാൻ ഒഫ് ദി മാച്ച് പുരസ്കാരം കരസ്ഥമാക്കിയപ്പോൾ മുഹമ്മദ് സ്വാലിഹ് (മൾട്ടിമീഡിയ – മൂന്നാം വർഷം), ഷിബിലി (ഇക്കണോമിക്സ് – മൂന്നാം വർഷം), ഹാരിസ് (ഇംഗ്ലീഷ് – മൂന്നാം വർഷം), ഹഫീദ് നിഹാൽ (ഇലക്ട്രോണിക്സ് – മൂന്നാം വർഷം), ഫസൽ (ഇക്കണോമിക്സ് – മൂന്നാം വർഷം), എന്നിവർ ഓരോ ഗോളുകളും സ്കോർ ചെയ്തു. കാലിക്കറ്റ് സർവകലാശാല ഗ്രൗണ്ടിൽ വെച്ച് നടക്കുന്ന ക്വാർട്ടർ ഫൈനൽ മത്സരങ്ങൾ നവംബർ ആറാം തിയതി മുതൽ ആരംഭിക്കും. മലബാർ ടീം മികച്ച പെർഫോമൻസ് ആണ് ഖിദ്മത്തിനെതിരെ നടത്തിയതെന്ന് ടീം മെന്ററും മലബാർ കോളേജ് ഫിസിക്കൽ എഡ്യൂക്കേഷൻ തലവനുനായ മുഹമ്മദലി ടി പറഞ്ഞു.
